Best Jamaican Folk Songs - M to R of Golden Collection

by My-Island-Jamaica.com

Click Here to see the complete list

Mango Time

Me no drink cawfee tea, mango time
Care how nice it maybe, mango time
At de height of de mango crop
When de fruit dem a ripe an drop
Wash yu pot, tun dem down, mango time

Mek we go mango walk, mango time
Far its only de talk, mango time
Me we jump pon de big jackass
Ride him dung an tap a pass
For de bankra mus full, mango time

Turpentime large an fine, mango time
Robin mango, so sweet, mango time
Number eleven and hairy skin
Pack de bag an a ram dem in
Mek de bes a de crop, mango time

Me no drink cawfee tea, mango time
Care how nice it maybe, mango time
At de height of de mango crop
When de fruit dem a ripe an drop
Wash yu pot, tun dem down, mango time

Mango Walk

Mi breda did a tell yuh nuh fe go mango walk
go mango walk
go mango walk
Mi breda did a tell yuh nuh fe go mango walk
go mango walk
go mango walk

An nuh pick up the number 11
Tell mi joe do tell mi joe
Tell mi joe do tell mi
Tell mi joe do tell mi joe
Why you pick up the number 11

Mi breda did a tell yuh nuh fe go mango walk
go mango walk
go mango walk
Mi breda did a tell yuh nuh fe go mango walk
go mango walk
go mango walk

An nuh pick up the number 11
Tell mi joe do tell mi joe
Tell mi joe do tell mi
Tell mi joe do tell mi joe
Why you pick up the number 11

Mi Caffi

Chorus: Mi caffi, mi caffi, mi caffi, mi caffi

Mi bowl a bwiling caffi in de mawning
I cares for none a dese, de only ting for me
Is mi bowl a bwiling caffi in de mawning

Some people likes de chaaclet
Some people likes de tea
Some people drinks sugar an water
An some de lemonade
But I cares for none a dese
De only ting for me
Is mi bowl a bwiling caffi in de mawnin

At de sunrise I gets up
Every mawnin dry or wet
So as nevah to be lated
For de work I had to do
I generally says mi prayers but sometimes I forgets
But mi always drinks me caffi in de mawnin

Sometimes I has it gran
Wid mi ackee an saltfish
Me yellah heart breadfruit
Ripe pear an coconut ile
But wah me mine does gi mi fah
More betta dan de res
Is me caffi wid a gil bread in de mawnin

I is a ole woman now
An does often punish hard
But I has seen mi good days
An I mus satisfy
I can still hole togeda
An still praise de lawd
If only a gets mi caffi in de mawnin

Moon Shine Tonight

Moon shine tonight come mek we dance and sing
Moon shine tonight come mek we dance and sing

Mi deh rock so
You deh rock so
Under banyan tree
Mi deh rock so
You deh rock so
Under banyan tree

Ladies may curts and gentleman may bow
Ladies may curts and gentleman may bow

Mi deh rock so
You deh rock so
Under banyan tree
Mi deh rock so
You deh rock so
Under banyan tree

Come we join hands and mek we dance around and sing
Come we join hands and mek we dance around and sing

Mi deh rock so
You deh rock so
Under banyan tree
Mi deh rock so
You deh rock so
Under banyan tree

Rio Grande

I was raftin on de Rio Grande oho
Me an me Uncle Benjie oho
We buck pan one big rock stone
An de raft tun ova o

Oho! Oho! Oho!

When yu raffin on de Rio Grande oho!
Don’t go wid Uncle Benjie oho!
For him buck pan one big rock stone
An de raft tun ova o

Oho! Oho! Oho!

Return to MAIN INDEX of Jamaican folk songs

Back To The Top Of This Page

New! Get My Latest Book👇🏿

See The Best Of Jamaica - In Videos!

Read More ...

---

---

Back To The Top Of This Page

NEW! JOIN MY PATREON COMMUNITY! Click Here For Details.